Langbestu partývefjurnar

 

Ég hef fengið ótal margar spurningar út í vefjurnar sem við vorum með í brúðkaupspartýinu okkar & það er svolítið síðan ég var búin að lofa færslu um þær en hér kemur færslan loksins 🙂

Ég smakkaði þær fyrst í babyshoweri hjá vinkonu minni & var inn í eldhúsi þegar vinkona hennar var að búa svona vefjur til & ég man að ég hugsaði með mér „ætli þetta sé málið..?“ því mér fannst þær ekkert voða spennó en svo smakkaði ég þær & OH MY ég sver það ég kláraði örugglega helminginn. Þessar vefjur eru svoo mikil snilld & fullkominn partýmatur & það bregst ekki að þær klárast alltaf!

 

Það sem þið þurfið:

-Vefjur (hægt að taka 6 eða 8 saman í pakka)

-Papriku

-Salsa sósu

-Rjómaost

-Ost

 

Ég gerði síðast 4 pakka af vefjum en það vantar hráefni á myndina. Ég notaði 3 paprikur & 6 salsasósur.

 

Það er sjúklega einfalt að útbúa þetta, en þið byrjið á því að smyrja vefjurnar með rjómaostinum, síðan salsasósunni, því næst er það paprikan (ég sker/saxa hana mjög smátt) & að lokum er ostinum stráð yfir.

Síðan er vefjunum rúllað upp & skornar í bita. VOILA reddý 🙂

Ég hef núna boðið upp á þær nokkrum sinnum & mun eflaust alltaf hafa þær í boði í partýum/veislum því þær slá alltaf í gegn. Vonandi finnst ykkur þær jafn góðar & mér!

Það er eitt sem mig langar að vara ykkur við varðandi salsasósur, þegar ég var að gera vefjurnar fyrir brúðkaupspartýið þá var ég auðvitað alltaf að troða upp í mig bitum inn á milli því þetta er svo gott, en tók eftir einhverju undarlegu bragði & fannst þetta ekki nógu gott, tók svo eftir því að ég var alveg óvart með sykurlausa salsasósu & hún var ógeð, jebb ég sagði ógeð. Ég tók hana samt bara í hillunni í Bónus þar sem salsasósurnar eru vanalega þannig að Arnór minn skaust út í búð & fann venjulega salsasósu, þvílíkur munur, eða það fannst mér allavega. Þannig ég mæli með að kíkja á dollurnar!

 

NOMNOMNOM

 

 

Þið finnið mig á Snapchat: tinnzy88 & á Instagram: tinnzy