Beauty Lífið Snyrting Þórey

Viltu vita allt um augnháralengingar?

18143064_10155013681531413_43696111_n

Lestu þá áfram… því ég ætla að segja ykkur allt um augnháralengingar, hvernig á að hugsa um þær og svara nokkrum algengum spurningum sem ég fæ oft á dag varðandi lengingar.

Nú eru tæp 6 ár síðan ég lærði að gera augnháralengingar og ég get ekki sagt annað en að eftirspurnin hefur aukist gríðarlega og vinsældir lenginga aukast með hverjum deginum.

Upplýsingarnar sem koma fram í þessari færslu kemur allt frá því sem ég hef lært um augnháralengingar, staðreyndum og reynslu. Að vissu leyti gilda sömu reglur um allar augnháralengingar en hver fagmaður á að sjálfsögðu að veita sínum viðskiptavinum allar upplýsingar um meðhöndlum augnháralenginga… en þið sem eruð ekki með lengingar frá mér er að sjálfsögðu velkomið að nýta ykkur þessar upplýsingar og að sjálfsögðu er öðrum snyrtifræðingum velkomið að nýta sér þær upplýsingar sem ég set hér inn.

 

Hvernig hár eru notuð?

Hér sjást mismunandi lengdir, sveigjur & þykktir.

Hér sjást mismunandi lengdir, sveigjur & þykktir.

  • Ég vinn núna með silki hár og með þeim næst ótrúlega fallegt og náttúrulegt útlit. Hárin eru mjög létt í sér og viðkomandi finnur lítið fyrir lengingunni.
  • Til eru margar mismunandi lengdir og þykktir af hárum og það er alls ekki nein ákveðin lengd sem fólk þarf að fá sér, það er allt valið út frá einstaklingnum sem kemur í lenginguna, hvað hann vill og hvernig “lúkk” viðkomandi vill ná fram.

 

 

 

Hvernig eru hárin límd á?

  • Sú aðferð sem ég notast við er 1:1 individual lashes eða stök hár. Þá er eitt silki augnhár límt á eitt náttúrlegt hár eins nálægt rót og hægt er án þess að það snerti húðina. Þannig að með því að líma eitt silki hár á þitt náttúrulega hár lengist það og þykkist.

 

 

Hvað þarf að koma oft í lagfæringu?Haana Lonhlash

  • Lagfæra þarf lenginguna á 2-5 vikna fresti. Hárvöxtur getur verið misjafn hjá hverjum og einum og þess vegna er mjög misjafnt hvenær þarf að lagfæra. Mjög hraður hárvöxtur hefur td. mikil áhrif á endingartíma augnhárlengingunnar. Þau hér sem vaxa hraðar endurnýja sig hraðar og þess vegna þyrfti viðkomandi að koma oftar í lagfæringu (infill) heldur en sá sem er mjög mjög hægan hárvöxt.

 

Hvað er gert í lagfæringu?

  • Þá er fyllt inn í þar sem lengingin hefur dottið/vaxið sem á ensku kallast infill. Einungis eru hár fjarlægð ef þau eru orðin of löng eða alveg að fara að detta af. Ekki er öll lengingin tekin af og sett ný (nema viðkomandi bóki sérstaklega í þannig meðferð og greiði þá fyrir nýja lengingu).
  • Lagfæring getur tekið allt frá 30mín upp í 1,5klst. Það fer allt eftir hversu langt er liðið frá ásetningu og hvernig viðkomandi hefur sinnt heimameðhöndlun.

 

Fer þetta illa með eigin augnhár?

  • Þetta er líklega algengasta spurningin sem ég fæ og svarið er mjög einfalt: Nei þetta fer ekki illa með þín eigin augnhár ef lengingin er fyrst og fremst rétt & vel gerð og í öðru lagi þegar réttri heimameðhöndlun er fylgt eftir. 

Hvernig get ég tekið lenginguna af?

  • Númer eitt, tvö & þrjú þá geturðu ekki tekið lenginguna af þér heima með kókosolíu! Leita þarf til fagmanns sem fjarlægir lenginguna með sérstökum límleysi (remover) sem er að sjálfsögðu gert á ákveðinn hátt.                                    DO NOT TRY THIS AT HOME!!!

 

Það sem má EKKI gera þegar þú ert með augnháralengingar:

  • Ekki nota maskara.
  • Ekki nota augnhárabrettara.
  • Ekki bleyta augnhárin í 24 tíma eftir ásetningu eða lagfæringu.
  • Ekki nudda augun eða kroppa lenginguna.
  • Ekki sofa á maganum.
  • Alls ekki líma gerviaugnhár yfir lengingar!

Það sem MÁ gera þegar þú ert með augnhárlengingar:

  • Mátt nota farða.
  • Mátt þvo þér um augun!
  • Mátt fara í sund, en mæli með sundgleraugum ef þú ætlar að synda.
  • Greiða í gegnum augnhárin á hverjum degi er mjög mikilvægt atriði.
  • Mátt fara í ræktina og gera allt sem þú gerir venjulega (nema það sem stendur í dálkinum hér að ofan).

 

Hreinlæti

  • Það er algengur misskilningur að ekki megi hreinlega snerta augnhárin og það megi alls ekki koma við augun og það megi ekki fara vatn á lenginguna.

Afsakið, en hvernig ætlar þú þá að halda augnhárunum þínum hreinum? Mig langar til þess að ítreka mikilvægi þess að hreinsa augnhárin þó svo að þú sért með augnháralengingar. Hreinlæti er alltaf mikilvægast af öllu! Ég er búin að finna ótrúlega gott youtube myndband frá augnháradrottningunni Frankie Widdows hvernig á að hreinsa augnháralengingarnar daglega og það myndband má sjá HÉR. Ég mæli með að þú útbúir þér litla körfu með augnfarðahreinsinum þínum, burstanum sem þú ætlar að nota eingöngu í þetta, augnháragreiðunni sem þú færð hjá snyrtifræðingnum þínum og gerir þetta aðgengilegt fyrir þig að grípa í á hverjum degi.

 

Hverjir eru kostir þess að hafa augnháralengingar?

  • Sparar tíma á morgnana fyrir þær sem eru vanar að eyða miklum tíma í að setja á sig maskara.
  • Þín eigin augnhár virka þéttari og lengri.
  • Hentar vel þeim sem eru ofnæmisgjarnar fyrir snyrtivörum og tárast mikið.
  • Mjög margir sem geta ekki sett á sig maskara fá sér lengingar. 

 

Nú vitið þið allt um augnháralengingar út frá faglegum upplýsingum <3 Ef þið hafið áhuga á að skoða Snyrtistofuna Fiðrildið sem ég vinn á þá smellið þið HÉR

signature

You Might Also Like

No Comments

Leave a Reply