Aníta Bakstur

Mjúkir og fljótlegir kanilsnúðar

20180512_121228

Það elska allir kanilsnúða, sérstaklega mjúka og bragðgóða kanilsnúða sem auðvelt er að skella í á stuttum tíma.

Þessa uppskrift hef ég notað lengi og fékk ég hana að láni frá Grgs. Ég geri þó yfirleitt alltaf örlitlar breytingar á þeim uppskriftum sem ég hef fengið annarstaðar frá og bæti og breyti því sem mér þykir vanta uppá :)

Við Óttar eigum 6 ára brúðkaupsafmæli í dag og fannst mér því tilvalið að skella í þessa kanilsnúða á meðan hann fékk að sofa út. Hann er nefnilega búinn að vera að væla um þá í nokkrar vikur 😅 

Uppskrift: 

550 grömm heiti, 5 tsk lyftiduft, 1 dl sykur, 100 gr brætt smjör, 3 og 1/2 dl mjólk

Aðferð: 

Hræra þurrefnum saman, bæta smjörinu útí og svo mjólkinni. Hnoða vel saman en þó ekki of lengi svo deigið verði ekki seigt. Flytja deigið út og reyna að hafa það ferhyrnt. Notið vel af hveiti undir og ofan á svo deigið klístrist ekki við borðið eða kökukeflið.

Innihald:

Bræða 70-80 grömm smjör og smyrja eins miklu á deigið og þarf. Strá vel af kanilsykri yfir allan flötinn. (Eg vil hafa mikið kanilbragð og set því alveg helling.

Rúlla deiginu upp og skera kanilsnúðana í um það bil 1 og 1/2 -2 cm. Raða kanilsnúðunum á bökunarpappír á plötu og hafa gott bil á milli. Þeir stækka um nánast helming. Smyrja restinni af smjörinu ofan á snúðana og strá perlusykri eða kanilsykri ofan á. Setja bakkann inn í ofn á 180°c í 18-20 mínútur eða þar til snúðarnir eru orðnir tilbúnir.

20180512_121251

Njótið ❤ 

Þar til næst, 

aníta

ANITAEH

Snapchat: anitaeh

You Might Also Like

No Comments

Leave a Reply